Kaupapa Māori career idea
Rongoā practitioner, Kairongoā
E mōhiotia ana hoki hei
- Kaiwhakaora Māori taketake, kairongoā, kaiwhakaora, kaiwhakamātūtū, kaiwhakamahu
Ka āwhina te kairongoā i te tangata kia mātau ki ōna anō kare ā-roto, tōna tinana, ngā momo mahi, tōna āhua i te taha o ētahi atu me te ao huri noa mā te whakamahi i ngā ritenga me te mātauranga whakamātūtū taketake Māori.
Roanga
2:25 meneti
Koinei pea tō utu kaimahi
$57K
Te mea iti iho
$63K to $82K
E kitea nuitia ana
$106K
Te mea nui ake
Ka pēhea tēnei utu e whakataurite ai?
Kei mua i te tango tāke te utu
Ka pēnei pea tō whakangungu
0-3 years
Ka kapi i te rongoā ngā mea ka āwhina i te tangata me te whānau ki te whakapiki i te wairua, te whakamauru i te ngākau me te whakangāwari i ngā tohumate kare ā-roto, ā-tinana, ā-hauora wairua anō hoki.
Ko te wairuatanga he kare ā-roto motuhake, he hiranga rānei e noho ana i te whatumanawa me te hinengaro o te tangata, ka mutu, ka noho pea hei wāhanga o ngā mea katoa huri noa i a tātou, taea noatia te taiao. E ai ki ētahi kei ngā mea ora, kei ngā mea katoa taua hiringa motuhake. E whakapono kē ana ētahi atu ka taea te tāpiri i tērā ki tētahi atu mea. He wāhanga hira te wairuatanga o te noho hauora, ā, he nui tōna wāhi ki ngā ritenga whakamātūtū taketake.
Kei roto i ngā ritenga rongoā ko te pā o te ringa, te whakapure i te wairua, te haumanu oro me te whakamahi rongoā otaota. Ka whakahaere pea anō hoki te kairongoā i ngā kōrerorero ā-rōpū, ngā akomanga me ngā awheawhe ahurea.
Ka whakatītina te kairongoā i ngā tāngata kia mōhio ki tō rātou anō āhua mā te whai i te ara torowhānui me te tōpū ki te toiora. Ka tūtohu pea i ētahi atu ratonga, kei te āhua tērā o ngā hiahia a te tangata.
Ka āwhina te kairongoā ki te whakaora anō me te hoatu taurite ki tō tangata hauora mā te tūhono i a ia ki te hauora o tōna taiao. Ka whakamahi i te mātauranga Māori ki te whakaako i te tangata me pēhea te tiaki i tōna taiao, kia noho.
Ko tā te kairongoā
- ko te tikanga he pokapoka, he harangotengote pea hoki ngā haora mahi
- ko te tikanga mahi ai i ngā pokapū hauora me te hapori, i ngā marae, i waho hoki, me te hāereere pea i roto i te takiwā, ki tāwāhi hoki
- he mahi pea i ngā mahi uakaha, e kaha ai te urupare aurongo
- me whaitake, me noho haumaru, ka tautohu raruraru me te rapa rongoā
Ngā tūmahi
- ka whakatinana i te ao Māori mā ngā ritenga whakamātūtū taketake
- ka tautohu me te whakatenatena i tō te tangata mōhio ki tōna āhua
- ka matapaki me te aromatawai i ngā tohumate, ngā pūmanawa me ngā kaingākau o te tangata
- ka whakatītina me te tautoko ara e whiwhi āwhina atu ai te tangata i ētahi atu
- he hanga mahere e tutuki ai ngā hiahia hauora katoa o te tangata, pēnei i ngā taha wairua, hinengaro, kare ā-roto me te tinana
- ka tautoko i te tangata mā ngā mahi whaihua pērā i te ako i te reo Māori me te kōrero pūrākau
- ka hoatu i ngā mātāpono me ngā uara Māori, taea noatia te haumaru ā-ahurea, ina mahi tahi ki ngā tāngata me te taiao
- ka whakawhanake i te whānuitanga o ngā rongoā me ngā maimoatanga
- ka noho mārama me te tautoko i te tohunga o ngā uara me ngā pūnaha o te ao Māori
Social
Creative
Practical
Interests that fit this job
Kairoro Kaingākau
Do the Interest quiz to find out how well your interests fit with this job.
Do the quizMe whai wheako koe hei mahi hei kairongoā, ā, ka whaihua pea tētahi tohu.
Me whai
- wheako i ngā mahi rongoā, i ngā mahi rite rānei
- wheako i te ao Māori me te mātauranga Māori
- wheako i te whakatinana tikanga Māori i runga i te haumaru
Tērā pea me whai
- he tohu mātauranga matua i te rongoā (Heke Rongoā) rite rānei
- he tohu mātauranga matua hāngai mō porihanga tangata (ngā tikanga Māori), reo (te reo Māori) i tētahi wāhi rite rānei
- he Mana Mahi hei kairongoā rēhita ACC
- mātai pirihimana kua oti pai
Mēnā kei te kura koe
Ko te tikanga me whai NCEA Taumata 3 kia taea ai te whai i ngā akoranga me te whakangungu mō tēnei mahi.
Tiro Whetū,
Kitea ngā hipanga e tutuki ai tēnei whakaaro aramahi.
Loading job ads
Path FinderTiro Whetū,
Discover the steps to this career idea.
Other career ideas in Specialist health and therapyĒtahi atu huatau aramahi i Hauora mātanga me te haumanu,
Showing career ideas 1-6 of 16
Other kaupapa Māori career ideasĒtahi atu whakaaro mō ngā aramahi kaupapa Māori,
Kaupapa Māori career idea
Showing career ideas 1-6 of 10