Kaupapa Māori career idea
Te reo Māori translator, Kaiwhakamāori ā-tuhi
E mōhiotia ana hoki hei
- Kaiwhakawhiti reo ā-tuhi
Ko tā te kaiwhakamāori ā-tuhi he whakawhiti ā-tuhi i ngā kōrero mai i te reo Māori ki te Ingarihi me te kōaro hoki e pūmau tonu ai te ia o ngā kōrero ki te reo taketake.
3:51 meneti
Koinei pea tō utu kaimahi
$72K
Te mea iti iho
$76K to $101K
E kitea nuitia ana
$122K
Te mea nui ake
Ka pēhea tēnei utu e whakataurite ai?
Kei mua i te tango tāke te utu
Mātua rā he wāhanga waiwai tō ngā mahi a te kaiwhakamāori ā-tuhi ki te oranga tonutanga o te reo Māori.
Ka whakaū te kaiwhakamāori ā-tuhi i te tika o te reo i tāna rangahau, i tāna tātari, i tāna whakahāngai, me te whakapuaki i ngā whakamāoritanga kia hāngai ai ki te kaupapa, ki te horopaki hoki e mau tonu ai te wairua o te tuhinga taketake me tōna momo, ahakoa reo Māori mai, reo Ingarihi mai rānei.
Me ōrite te kounga o te reo Māori me te reo Ingarihi o te kaiwhakamāori.
Ka whakamahi te kaiwhakamāori ā-tuhi i ngā āhuatanga reo me ngā puna kupu tūmatawhānui, ngā reo ā-iwi rānei kei ngā papakupu, kei ngā pūranga kōrero tawhito, kei ngā momo arapāho, me ngā kōrero a kaiwhakamāori kē atu i ā rātou mahi whakamāori. Ka waihanga kupu rānei rātou hei koha ki te puna kupu reo Māori.
He wāhanga nui tō ngā mahi whakamāori ki te pupuru me te hāpai i te reo Māori me ngā tikanga Māori.
Ka mahi ngātahi te kaiwhakamāori ā-tuhi ki ētahi kaiwhakamāori hei kanohi hōmiromiro i ngā mahi e puta tika ai, e rere mārire ai, e Māori tonu ai ngā mahi.
Ka whai wāhi pea te kaiwhakamāori ā-tuhi ki ngā mahi pakiwaituhi, tāoreore hoki, ki ngā pepa a ngā kōti ture, ki ngā arapāho, me ngā mahi whakangungu tangata ki ngā ratonga tūmatanui.
Ko tā te kaiwhakamāori ā-tuhi
- ka mahi i ngā haora noa e tuwhera ana ngā pakihi, engari he wā ōna he mahi i ngā mutunga wiki me ngā pō
- i te nuinga o te wā kei rō tari e mahi ana, ā, ka hāereere pea i te takiwā
- me tika te tuhituhi, me pai tō whakawhitiwhiti kōrerorero, ka taea te whakatutuki mahi ahakoa ngā pēhanga
Ngā tūmahi
- ka mahi i te whānuitanga o ngā horopaki, ā, ko te tikanga me te huhua o ngā kiritaki
- ka āta whakatau i te wā ka hiahia ki te whakaoti mahi me te whakahōtaka i ngā mahi kia tutuki ai ngā mahi i te rā kati, i mua rānei
- ka whakamāori i ngā tuhinga kōrero mō ngā kiritaki
- ka arotake me te whakatika i ngā mahi whakamāori kia tika te whakatakotoranga
- ka rangahau i ngā puna kupu e hāngai ana hei whakamōhio i te tangata ki ngā whakamāoritanga
- ka mahi tahi ki ētahi atu kaiwhakamāori me ētahi atu mātanga reo ki te whakawhanake papakupu
- ka whakahou tonu i ōna mōhiotanga ki ngā putanga ia me ngā rauemi ahumahi
- ka whakawhanake i ōna mōhiotanga ki ngā rauemi whakamāori me ngā tāera tuhi rerekē e whakamahia ana e ngā kiritaki
Me whai wheako koe hei mahi hei kaiwhakamāori ā-tuhi, ā, ka whaihua pea tētahi tohu.
Me whai
- matatautanga ki te reo Māori me te Ingarihi
- puna kupu whānui i ngā reo e rua
- māramatanga ki te ahurea, ki te hītori, me ngā uara Māori
- wheako ki ngā tikanga rangahau
- wheako ki te mahi tahi ki ngā iwi me ngā rōpū Māori
- wheako ki te mahi tahi ki te huhua o ngā kiritaki i te whānuitanga o ngā horopaki
Tērā pea me whai
- wheako i ngā mahi ōrite
- Toi Reo Māori nā te Taura Whiri i te reo
- Ko te whakarite mō ngā Tari Kāwanatanga, me whai Toi Reo Māori koe nā Te Taura Whiri i te Reo kia āhei ai te mahi mō rātou
Mēnā kei te kura koe
Ko te tikanga me whai NCEA Taumata 3 kia taea ai te whai i ngā akoranga me te whakangungu mō tēnei mahi. .
Loading...
Loading job adsOther career ideas in Marketing and communicationsĒtahi atu huatau aramahi i Whakatairanga me te whakawhiti kōrero,
Showing career ideas 1-4 of 14
Other kaupapa Māori career ideasĒtahi atu whakaaro mō ngā aramahi kaupapa Māori,
Kaupapa Māori career idea
Kaupapa Māori career idea
Showing career ideas 1-4 of 9
Guides, Ngā aratohu
1 of 3