Kaupapa Māori career idea
Kaupapa Māori researcher, Kairangahau kaupapa Māori
E mōhiotia ana hoki hei
- Kairangahau Māori, kairangahau iwi taketake, kairangahau
Ka whakamahi te kairangahau Kaupapa Māori i ngā tikanga kaupapa Māori me te mātauranga Māori ki te kohikohi me te tātari mōhiohio, me te horahora mōhiohio. Ka mahi tahi me ngā hapori ki te torotoro take, ki te kōkiri rongoā, ka rapa rongoā me te matapae i ngā ia me ngā hiahia kei ngā wāhi e hira ana ki te Māori.
Roanga
3:23 meneti
Koinei pea tō utu kaimahi
$80K
Te mea iti iho
$101K to $135K
E kitea nuitia ana
$150K
Te mea nui ake
Ka pēhea tēnei utu e whakataurite ai?
Kei mua i te tango tāke te utu
Ka whakamahi te kairangahau kaupapa Māori i ngā rangahau pūmātauranga ki te tuhituhi me te whakatairanga i te mana o ngā hapori Māori ā-tōrangapū, ā-pāpori, ā-ohaoha, ā-ahurea anō hoki.
Ka whakamahi te kairangahau kaupapa Māori i ngā āhuatanga taketake o te reo Māori, ngā tikanga Māori me te mātauranga Māori tae atu ki te mātauranga nō ngā iwi tauwhāiti ake me ngā utauta tātari noa, ki te rapa rongoā ki ngā raruraru tino uaua.
Ka kawea te rangahau kaupapa Māori e te Māori, ā, ka aro ki ngā kaupapa Māori rerekē me ngā wheako ora o ngāi Māori me te pānga o te hītori ki a rātou.
Ka rangahau puna mātauranga ki te kohikohi me te tiritiri mōhiohio e whai wāhi ai ngā wānanga ā-rōpū, ngā uiui, ngā taunakitanga aronehe mā te whakamahi i ngā tikanga tuku iho pērā ki te mōteatea me ngā mahi whakairo. Ka rangahau pea te kairangahau i ngā kaupapa aronehe pērā kaupapa taipūwhenuatanga, ngā kaupapa o nāianei rānei, pērā i te whakatāone.
Kei te whakamahia te mōhiotanga i whiwhi i te rangahau ki ngā wāhi o te hangarau, hauora, ngā akoranga taiao, te reo, te ahurea rānei ki te tohu me te whakaora anō, te whakamana me te whakatupu i te mātauranga Māori me te tautoko i te toiora o te Māori i roto i te porihanga.
Ka mahi pea te kairangahau kaupapa Māori i ngā tari kāwanatanga me ngā umanga karauna, i ngā pūtahitanga mātauranga matua, me ngā iwi me ngā marae, hei wāhi o tētahi tira rangahau mō tētahi kaupapa, hei mātanga motuhake rānei.
Ko tā te kairangahau kaupapa Māori
- ka mahi i ngā haora noa e tuwhera ana ngā pakihi, engari ka mahi pea hoki i ngā ahiahi pō, i ngā mutunga wiki rānei
- ko te tikanga mahi ai i rō tari, i ngā marae, i waho, i ngā whare whakarato mātauranga matua, ā, ka hāereere pea i roto i te takiwā, ki tāwāhi hoki
- ka mahi tonu pea ahakoa te momo huarere
- me haepapa me te hakune, me pai tō whakawhitiwhiti kōrerorero, ka tautohu raruraru me te rapa rongoā
Ngā tūmahi
- ka whakamahere, whakariterite me te hautū wānanga, me ngā tukanga whai wāhi me te whiriwhiri kōrero
- ka whakahāngai i ngā anga kaupapa Māori ki te kohikohi me te tātari rangahau
- ka tautohu i ngā raraunga me ngā taunakitanga hei ine i te pānga o ngā take rangahau
- ka whakarite kia hou tonu tōna mōhiotanga ki te hītori o Aotearoa me ngā take o te wā
- ka whai wāhi ki ngā mātanga kaupapa rangahau me ngā mātanga ahurea
- ka tuhituhi me te whakawhitiwhiti i ngā pūrongo me ngā whakaaturanga pūtaiao me te hangarau
- ka tohutohu i ētahi atu ki ngā kaupapa Māori me ētahi atu anga rangahau, ngā raraunga Māori me ngā kōkiri hapori
- ka whakahaere i te tiaki mātauranga ina rokiroki me te tiritiri mōhiohio
- ka arotake me te aromātai rangahau ka pā ki te Māori
- ka tiaki me te whakatairanga i te rangahau kaupapa Māori
Social
Investigative
Organised
Interests that fit this job
Kairoro Whakaritea
Do the Interest quiz to find out how well your interests fit with this job.
Do the quizMe whai tohu, wheako anō hoki kia mahi hei kairangahau kaupapa Māori.
Me whai
- wheako ki te mahi tahi ki ngā iwi me ngā rōpū Māori
- māramatanga ki te reo Māori
- tohu paetahi i ngā akoranga Māori, ngā akoranga taketake, te rangahau Māori, tētahi wāhanga rite rānei
- wheako ki ngā tikanga rangahau Māori me te tātari rangahau
- wheako i te ao Māori me ngā tikanga Māori
Tērā pea me whai
- kōpaki o ngā mahi i mahia
- wheako i te wāhi whāiti e arohia ana
- matatautanga ki te reo Māori me te reo Ingarihi
- tohu paerua, tohu kairangi rānei i te wāhi mātanga
- wheako ki ngā tauanga, te pūtaiao raraunga, ngā tātaritanga rangahau, tētahi wāhanga rite rānei
- mōhiotanga ki ngā ara rangahau ā-rohe, ā-iwi hoki
Mēnā kei te kura koe
Urunga ki te Whare Wānanga kia taea ai te whai i ngā akoranga me te whakangungu mō tēnei mahi.
Loading job ads
Other career ideas in EducationĒtahi atu huatau aramahi i Mātauranga,
Showing career ideas 1-6 of 25
Other kaupapa Māori career ideasĒtahi atu whakaaro mō ngā aramahi kaupapa Māori,
Kaupapa Māori career idea
Kaupapa Māori career idea
Kaupapa Māori career idea
Kaupapa Māori career idea
Showing career ideas 1-6 of 10