Kaupapa Māori career idea
Weaver, Kairaranga
E mōhiotia ana hoki hei
- Kairaranga, kaiwhatu, ringatoi whatu
Kei te whakamahi te kairaranga i ngā tikanga raranga tuku iho me ngā utauta me ngā rauemi taketake me te hou ki te hoahoa me te hanga mahi toi me ngā taonga e tohu ana i ngā kōrero ahurea, te whakapapa me ētahi atu ariā.
Roanga
3:50 meneti
Koinei pea tō utu kaimahi
$50K
Te mea iti iho
$53K to $90K
E kitea nuitia ana
$121K
Te mea nui ake
Ka pēhea tēnei utu e whakataurite ai?
Kei mua i te tango tāke te utu
Ka pēnei pea tō whakangungu
0-3 years
He tūnga hira tō te raranga Māori i te whakapuaki me te tohu i te tuakiri ahurea o te Māori. He kaha tōna tūhono ā-wairua ki ngā wā o mua mā te whakapapa, ki te taiao tūturu anō hoki.
Whakamahi ai te kairaranga i ngā rawa o te taiao pērā i te harakeke, te kiekie, te pīngao, ngā huruhuru i ngā manu māori me ngā kiri kararehe ki te hanga i ana mahi toi.
Whakamahia ai ngā utauta o ēnei rā me ngā rawa pēnei i ngā waituhi papanga, ngā huruhuru heihei me te papahune ki te hanga kākahu me ngā mahi toi o nāianei.
Ka whakamahi te kairaranga i ngā tikanga pēnei i te raranga, te whatu, te tāniko me te whiri ki te hanga taonga.
Ko ētahi o ngā momo raranga ko te tukutuku me te whāriki mā te marae, te wahakura, te korowai, te kete whakairo me ngā piupiu.
He mea tuku iho e tētahi whakatupuranga ki tētahi ngā hoahoa me ngā tauira ahurei pēnei i ngā roimata toroa me te pātiki, me te aha ka whakamahia pea hei tautuhi i ētahi iwi.
Tērā pea ka whai wāhi te kairaranga ki ngā whakakitenga, ngā hoahoa hanga whare me ngā kaupapa whakaora marae.
Ko tā te kairaranga
- ko te tikanga he pokapoka, he roa ngā haora e mahi ana, he harangotengote pea hoki, tae atu ki ngā ahiahi pō me ngā mutunga wiki
- ko te tikanga mahi ai i rō taiwhanga toi, i ngā whare taonga me ngā marae, me te hāereere pea i roto i te takiwā, ki tāwāhi hoki
- he mahi pea i ngā mahi uakaha
- me whai wairua auaha, me whaitake me te hakune
Ngā tūmahi
- ka whakahaere i ngā tono mahi me ngā hōtaka kaupapa
- ka whakamōhio atu i te kaiwhiwhi ki te tukanga raranga, mai i te ariā ki te tiakinga ā muri i te otinga
- ka rangahau i ngā hoahoa motuhake, ngā tohu motuhake hoki
- ka kohikohi me te tukatuka i ngā rawa raranga
- ka hanga i ngā whakaahua āmiki me te hangarau
- ka raranga i ngā hanga ōkiko taketake mō ngā take rerehua, whaitake, arumoni anō hoki mā ngā tikanga ka āta whiriwhiria
- ka whakahaere i ngā wānanga me ngā akoranga raranga
- ka whakareri, ka tākai me te tuku i ngā mahi toi ki te kaihoko, ngā taiwhanga whakaatu me ngā whakakitenga
- ka tuhituhi i ngā kīwhaiaro me ngā haurongo mō ngā whakaaturanga taiwhanga me ngā rauemi whakatairanga
- ka whakahaere i ngā kurutete nama mō ngā hokonga me ngā mahi toi i utua
Creative
Practical
Social
Interests that fit this job
Kairoro Kaingākau
Do the Interest quiz to find out how well your interests fit with this job.
Do the quizMe whai wheako koe hei mahi hei kairaranga, ā, ka whaihua pea tētahi tohu.
Me whai
- wheako raranga me te whatu
- māramatanga ki te taiao tūturu
- māramatanga ki te hītori o te raranga Māori me ngā tauira a te Māori
Tērā pea me whai
- mahi whakangungu
- he tohu mātauranga matua hāngai mō ngā toi me ngāmahi ā-rehe ataata (ngā toi Māori, ngā toi ataata Māori rānei), mātai whakairoiro me te hoahoa (ngā mahi a te whare pora) tētahi wāhanga rite rānei
- kōpaki mahi
- wheako mahi tahi ki ngā iwi me ngā rōpū Māori
- māramatanga ki te reo Māori me ngā tikanga Māori
Mēnā kei te kura koe
Ko te tikanga me whai NCEA Taumata 3 kia taea ai te whai i ngā akoranga me te whakangungu mō tēnei mahi.
Tiro Whetū,
Kitea ngā hipanga e tutuki ai tēnei whakaaro aramahi.
Loading job ads
Path FinderTiro Whetū,
Discover the steps to this career idea.
Other career ideas in Visual and performing artsĒtahi atu huatau aramahi i Ngā toi ataata me ngā mahi a te rēhia,
Showing career ideas 1-6 of 16
Other kaupapa Māori career ideasĒtahi atu whakaaro mō ngā aramahi kaupapa Māori,
Kaupapa Māori career idea
Showing career ideas 1-6 of 10