Kaupapa Māori career idea
Tāmoko artist, Ringatoi tāmoko
E mōhiotia ana hoki hei
- Tōhunga tāmoko Māori, tōhunga moko, kaitāmoko Māori
Kei te whakamahi ngā ringatoi tāmoko i ngā taputapu, i ngā tikanga taketake me te hou ki te tā tauira ki te kiri o te tangata tērā ka tohu i tōna kāwai me tōna anō haerenga i tōna ao.
Roanga
3:57 meneti
Koinei pea tō utu kaimahi
$54K
Te mea iti iho
$57K to $108K
E kitea nuitia ana
$156K
Te mea nui ake
Ka pēhea tēnei utu e whakataurite ai?
Kei mua i te tango tāke te utu
Ka pēnei pea tō whakangungu
0-3 years
He kātū toi taketake te tāmoko e tūhono ana i te ringatoi me tōna kaiwhiwhi ki tōna whakapapa (ōna tūpuna) me te ao wairua. Ka tuku karakia pea te ringatoi tāmoko i tana tā i te tāmoko hei whakarite i te haumaru ā-wairua, ā-ahurea anō hoki puta noa i te tukanga.
Kua hurihia te tukanga tāmoko i te whakamahi i ngā taputapu taketake pēnei i te uhi ki te whakamahi kē i ngā pūrere me ngā ngira o te wā nei. Nō ngā tūpuna me ngā pūnaha hauropi o te taiao ngā hoahoa me ngā tohu ahurei e whakamahia ana.
Me āta mārama te ringatoi tāmoko ki te kōrero ora me te whakapapa o te kaiwhiwhi e taea ai te tā te moko mā te whakamahi i ngā tohu nō ngā iwi o te kaiwhiwhi.
Tukuna ihotia ai ētahi hoahoa moko mai i tētahi whakatupuranga ki tētahi. E whakaaetia ana kia tāmokotia anake te Māori ki ngā wāhanga tapu o te tinana, pērā i te upoko, te remu me te kūhā. E kīia ana ēnei moko ko te pūhoro, peha rānei (te remu, te kūhā), te pūkonohi (te moko i runga i te kanohi o te tāne) me te pūkauae (i runga i te kauae o te wahine).
E kīia ana he kirituhi ngā hoahoa i ētahi atu wāhanga o te tinana he mea whakahihiri e te tāmoko.
Tērā pea ka whai wāhi ngā ringatoi tāmoko ki ngā mokopapa me ngā whakakitenga me te tohutohu i ngā tangata mō te whakamahi i tēnei kātū toi.
Ko tā te ringatoi tāmoko
- ko te tikanga he pokapoka, he roa ngā haora e mahi ana, me te harangotengote anō hoki, tae atu ki ngā ahiahi pō me ngā mutunga wiki
- ko te tikanga mahi ai i rō taiwhanga toi, i ngā wānanga me ngā marae, me te hāereere pea i roto i te takiwā, ki tāwāhi hoki
- ka mahi pea i ngā mahi uakaha, e kaha ai te urupare aurongo
- me whai wairua auaha, me whaitake me te noho haepapa
Ngā tūmahi
- te rangahau kia whai mōhio ngā hoahoa tāmoko
- te kōrerorero ki ngā kiritaki me ngā whānau mō ngā tukanga tāmoko
- te whakarite taputapu tāmoko me te wāhi mahi
- te tuku karakia i mua, i te wā tāmoko anō, i muri anō hoki
- te tā i te tāmoko taketake me te whakawhiti atu ki runga kiri kiritaki
- te huahua me te kauruku i te tāmoko ki te waituhi mā te whakamahi ngira
- te mau ki ngā tikanga akuaku, te whakarite kia mā te taiao mahi
- te whakahaere wātū me ngā hōtaka
- te pupuri mauhanga mahi me te tuku nama
Creative
Practical
Enterprising
Interests that fit this job
Kairoro Kaingākau
Do the Interest quiz to find out how well your interests fit with this job.
Do the quizMe whai wheako hei mahi hei ringatoi tāmoko, ā, ka whaihua pea tētahi tohu.
Me whai
- wheako ora o te ao Māori
- wheako mahi tahi ki ngā iwi me ngā rōpū Māori
- wheako ki ngā toi Māori, wheako mahi rite rānei
- he mōhiotanga ki te hītori o te moko, ki ngā tohu me ngā tauira Māori puta noa i ngā kātū mahi toi Māori pērā i te kōwhaiwhai, whakairo me te raranga
- māramatanga ki te reo Māori me ngā tikanga Māori
Tērā pea me whai
- mahi whakangungu
- he tohu paetahi mō toi ataata Māori
- wheako haere ki tētahi wānanga toi Māori pēnei i Toihoukura
- he kōpaki mahi
- he Tiwhikete Whakaora Ohotata
- Taunakitanga o te whakaoti i tētahi akoranga Whakangungu Tukumate Rere Toto
Mēnā kei te kura koe
Ko te tikanga me whai NCEA Taumata 3 kia taea ai te whai i ngā akoranga me te whakangungu mō tēnei mahi.
Tiro Whetū,
Kitea ngā hipanga e tutuki ai tēnei whakaaro aramahi.
Job Insights,
Māramatanga Mahi
People employed
No data
Employment change
No data
No data is shown when there is limited employment data.
Loading job ads
Path FinderTiro Whetū,
Discover the steps to this career idea.
Other career ideas in Culture and historyĒtahi atu huatau aramahi i Ahurea me te hītori,
Showing career ideas 1-6 of 15
Other kaupapa Māori career ideasĒtahi atu whakaaro mō ngā aramahi kaupapa Māori,
Kaupapa Māori career idea
Kaupapa Māori career idea
Showing career ideas 1-6 of 10