Rangatahi Futures, Te hōtaka aramahi mā te rangatahi
Updated 15 Jun 2026
He hōtaka mātauranga aramahi rangatahi a Rangatahi Futures mā ngā kura me ngā hapori. Ko tāna, he whakaata i te tuakiri, te reo me te ahurea o te rangatahi me ō rātou whānau.
Rangatahi Futures is also available in English.
Mō te hōtaka Rangatahi Futures,
Ka aratakina te rangatahi mā te hōtaka Rangatahi Futures ki te tūhurahura i te ao o neherā i Ngā mahi a ngā tūpuna, kia mārama ki te ao o nāianei i Tō tātou wāhi ki te ōhanga me te aro atu ki tō rātou anamata mā ngā mahi whakamahere aramahi, ngā mahi ako, ngā kōwhiringa whakangungu rānei.
Kua wehea a te hōtaka Rangatahi Futures ki ngā wātū 12 i ngā wāhanga e 2:
- Ngā mahi a ngā tūpuna (Wātū 1–7)
- Tō tātou wāhi ki te ōhanga (Wātū 8–12).
Kei roto i ia wāhanga tētahi mahere me ētahi kōnae PowerPoint hei tautoko, me ētahi atu rauemi kaiārahi hāngai me ētahi ngohe rangatahi.
Ko ēnei ētahi o ngā rauemi e whai wāhi ana ki te hōtaka Rangatahi Futures:
- Ngā mahere wātū mā te kaiārahi me ētahi atu rauemi.
- Ngā PowerPoint kaiārahi.
- Ngā ngohe rangatahi pēnei i ngā mahere mahi, te whakaraupapa kāri, ngā tātauira pānui whakaahua, ngā kairoro.
- Ngā rauemi e hono ana ki Tahatū.
Ngā mātāpono matua,
Kua poua te hōkata Rangatahi Futures ki ēnei mātāpono:
- Ko ngā mōhiotanga me ngā wheako rangatahi te tūāpapa.
- Ko te reo Māori, te ahurea me tuku ihotanga Māori ngā puna pūmanawa aramahi.
- Whakatītinatia ai te kōrerorero me te tiritiri motuhenga.
- Mā te rangatahi e whakawhanake ngā pūkenga, āhuatanga, me ngā uara e hiahiatia ana mō tō rātou anō haerenga aramahi.
Te whakatinana i te hōtaka,
Ētahi kupu āwhina mō te whakarite i te hōtaka,
- Ka taea ngā rauemi katoa te tā ki te tahora A4, A3 rānei (Wātū 2: Ngā pānui whakaahua kōtaha aramahi tūpuna, Wātū 4: Ngā pānui whakaahua taiopenga karahipi, Wātū 12: Tātauira NZQCF.)
- He pāhekoheko ngā mahere mahi rangatahi Te haerenga hou (Wātū 1, 2, 5, 7) me te Mahere mahi aramahi whenua (Wātū 8, 9, 10, 11, 12), ā, ka taea e te rangatahi te whakaoti me te tiaki tāhiko, te tā rānei hei tohanga.
- E tuku ana ēnei rauemi kia tāngia ana e te kaiārahi me te tapahi i ngā kāri hei whakahaere i te ngohe.
- Wātū 6: He wero he kōwhiringa rānei. Ngohe rangatahi: Ngā kāri wero me te kōwhiri. Kua tāngia ā-A4, me te rua Kāri A5 ki ia whārangi.
- Wātū 8: Ngā pakihi o mua. Ngohe rangatahi: Ngā kāri mō ngā pakihi o mua. Kua tāngia ā-A4, me te rua Kāri A5 ki ia whārangi.
- Wātū 12: Tōku maunga Ngohe rangatahi: Ngā kāri NZQCF. 10 ngā kāri hei tapahi me te whakauru ki roto i te tātauira.
- Wātū 12: Tōku maunga Ngohe rangatahi: Ngā kāri tohu. 10 ngā kāri iti hei tapahi me te whakauru ki roto i te tātauira.
- Mā ēnei pānui whakaahua e āhei te kaiārahi, te rangatahi rānei te tāpiri ata, kuputuhi rānei.
- Wātū 2: Ngā pūkenga tuku iho. Ngohe rangatahi: Te rangahau tātauira pānui whakaahua tūpuna – ka taea te whakakī ki te kuputuhi me ngā ata, me te tukuatu ki te ipurangi, te tā rānei.
- Wātū 10: Ngā kaipakihi Māori. Ngohe rangatahi: Ngā pānui whakaahua tauwhaiwhai pakihi – ka taea tētahi ata te tā, te tapahi me te tāpiri ki te pānui whakaahua tā o te takiwā.
Ētahi kupu āwhina mō te whakatinana i te hōtaka,
- E hāngai ana ngā wātū katoa ki ētahi āheinga aramahi matua e toru – te whakawhanake i te mōhio ki tōu āhua, te tūhurahura arawātea, te whakatau me te whakatutuki. E whakaatatia ana ēnei i ngā tauākī āheinga kei roto i ia mahere wātū.
- Kua karaina ngā rauemi kaiārahi ki te kōura me te hāura, me te kikorangi mō ngā ngohe rangatahi.
- Pānuitia ngā kupu whakataki mō te Wāhanga 1: Ngā mahi a ngā tūpuna me te Wāhanga 2: Tō tātou wāhi ki te ōhanga hei ārahitanga mō ngā whāinga hōtaka i mua i tō tīmata.
- Kia āta pānui ia mahere wātū me ngā aratohu ngohe i mua i te whakatinana i te wātū.
- Tukuna te wā hei whakaoti rangahau ki te hiahiatia hei tautoko i ngā ngohe.
- Me waia haere ki Tahatū – ina koa ēnei wāhanga:
Ngā whakaaro aramahi kaupapa Māori
Te whakamahi i te hōtaka Rangatahi Futures i tō kura, whānau, hapori rānei,
Māu e whakatinana te hotaka mā te ara e arotau ana ki tō taiao ako. Ka āhei te whakamahi hei hōtaka whakawhanake aramahi me te katoa o ngā wātū 12, te urutau rānei hei hanga matapakinga aramahi me ngā ngohe e tau ana ki ngā hiahia o tō whakahaere me ō te rangatahi.
Ka taea e koe te whakamahi te hōkata Rangatahi Futures hei:
- whakahaere wātū takitahi hei ngohe motuhake
- whakakotahi wātū e hangaia ai he hōtaka ako whānui ake, he ara ako whānui ake rānei
- urutau wātū mō ngā akomanga, hui whānau, awheawhe hapori, wātū whakaruruhau rānei.
Ngā rauemi tautoko,
E tūtohua ana ēnei rauemi tāpiri hei whakamahi me te hōtaka Rangatahi Futures.
Inspiring the Future,
He hōtaka koreutu a Inspiring the Future ka tūhono kura me te rangatahi ki ngā tauira mahi tūao nō te ao o te mahi.
Tohu Careers,
He utauta aramahi a Tohu Careers tērā ka whakatenatena rangatahi ki te tūhurahura i ō rātou anō uara, ki te kite i ō rātou anō kaha, me te tūhurahura huarahi aramahi e hono ana ki ō rātou anō āhua.